|
Chiahpuam pawisa man belh |
 |
 |
 |
|
Written by chda
|
|
Monday, 17 November 2008 08:59 |
Chiahpuam chuan Mizoram dung lerh vang a chiah zel a. Kar kalta ni 13 leh 14 November, 2008 zan khan Chiahpuam pawisa engemaw zah chu Police-te chuan an man belh nia thudawn a ni.
Ni 13 tlai lamah Muanpuii hnuaia awm mi pakhat hnena hlan tur chu pawisa chu taxi-a phurh, cheng nuai 15 chu Tuikual Salvation Army Temple kawtah an man a. He pawisa hi Muanpuii Agent pakhat account atanga lak chhuah niin New Capital Complex panna kawng sirah an inhlan hmasa phawt a. Chumi hnuah Taxi-ah phurin Temple kawtah chuan Traffic police-te chuan taxi chu lo ti dingin an man ta niin thudawnna chuan a sawi.
Hun rei tak an chhui hnuah ni 14 zan khan Police-te chuan Ramhlun South-a in pakhat atangin cheng nuai 44 sing 9 sang 2 leh 500 an man leh a. A neitu nia sawi hi hemi zan la la hian an man nghal niin thudawnna chuan a sawi a.
Chiahpuam pawisa an man sak te hi pawisa chhiarna khawlin H. Remthanga, Megistrate hriatpuinain chhiarna neih a ni a. He hunah hian thuthar thehdarhtu thenkhat an tel bawk.
Mizoram Police lamin chiahpuam case an chhuizuina kawngah mipui lam atangin harsa an tawk zeuh zeuh niin Police pakhat chuan a sawi a. Chiahpuam pawisa an chhui zuina kawngah mipui lam atangin thubelhchian dawllo leh thu mak tak tak report an dawn thin avangin tha leh zung an seng thlawn nasa hle a nia sawiin Police pakhat chuan tul lova hun an khawral thin thu a sawi tel bawk a ni.
 |
|
Last Updated on Monday, 17 November 2008 09:00 |
Subscribe to this comment's feed
