|
BJP President thusawi NGO ten duh lo |
 |
 |
 |
|
Written by Administrator
|
|
Wednesday, 19 November 2008 09:10 |
|
Tunhnaia Ramhlun Sports Complex-a BJP National President Pu Rajnath Singh’am mipui kalkhawmte hmaa a thusawiah Mizoramah BJP in sorkarna an siam anih chuan Hmar mipuite tan Autonomous District Council pek a tiam a.
Hemi chungchangah hian nimin khan Central YMA chuan an duh loh thu thuchhuah siam nghalin Election Campaign nana Mizoram thendarh zawng leh inpumkhatna tichhe thei zawnga intiamkamna neih chu tha an tih loh thu an sawi a. Hemi hawi zawnga BJP National President in November ni 15, 2008 a thu a sawi chu tha an tih loh thu leh hanm hrang hrangte inthendarh zawng ni lovam inpumkhat zawnga kal zel an duh thu an sawi a ni. Hemi chungchang NGO hruaitu thenkhatte pawhin tah an tih loh thu an sawi hlawm a, heng zingah hian Pu B Zorampara PAMRA President chuan tah a tih loh thu sawiin “Autonomous inpek leh hi tha kan ti lova, tuna kan neihsa pawh hi Mizo hnam tan chuan thil thalo tak a ni a. Mizo Nationalism lo hi chuan khawvelah Mizo hnam hi kan par chhuak theiin kan ring lova. Chuvangin, chibil te te a Autonomous district council pek hi kan duh loin tha kan ti lo a ni. BJP National President thusawi hi Mizote min thendarh tumna hmanrua mai a ni. Tun inthlanah hian hel pawl hrang hrang hian inrawlh an tum loh thu pawh kan hre tawh a, keini pawh kan lawm hle a ni. Inthlanpui lo awm turah hian tu pawhin sorkarna lo siam sela, mizo hnam hruaitute hi hel pawl puihna tel lova zahawm taka thlan tlin an nih hi kan duh takzet a ni” a ti ve bawk. Hemi chungchangah hian MSU General Secretary Mapuia chuan ama mimal ngaihdan sawiin, “Zoramin Inthlanpui kan hmachhawn turah hian party hamthatna um vanga kan ram thendarhna hmanruaa rawn hmang an awm anih chuan heng mite hi kan hnawl tur a ni’ a ti a. A sawi zel naah MSU G/S chuan Zofate min thendarh hi Central lama vaiho khuan thiam takin an rawn tum reng a, chibing bik inlakhrana a hma sawn tir hi mizo hnam inthendarhna tur kawng pawimawh hmasaah an rawn ngai niin ka hria a. British ho policy ang chiahin thendarha awpral hi an tum a ni a. Zoram mipui zawng zawng ten BJP President in kan ram leilunga a thu rawn sawi hi ngaihtuah ila, kan ram tana tha lo do turin inbuatsaih ila, zofa hnam hrang hrangten kan ram neih chhun kan hnam him nan tan tlang zel ang u” a ti ve bawk. By Lalnuntawma Fanai, News Editor, Zoram Today
 |
|
Last Updated on Wednesday, 19 November 2008 23:28 |
Subscribe to this comment's feed
