|
AMGUA ten Congress Pary-ah Risk an la |
 |
 |
 |
|
Written by Administrator
|
|
Wednesday, 19 November 2008 09:25 |
By Lalnuntawma Fanai, News Editor, Zoram Today
Nimin khan All Mizoram Educated Unemployed Association (AMGUA) chuan MLA inthlanpui lo awm tura MPCC te nena thawhhona thuthlung an siam chhan Aizawl Press Club-ah thuthar thehdarhtute an hrilhfiah. Pu CT Lalrinchhana AMGUA President chuan Press mite zawhna chhangin, ‘Khawvel chu risk lakna a ni a, keini pawh hian Congress party a sorkar theihnan risk kan la ni” a ti a ni.
He hun hi AMGUA President Pu CT Lalrinchhana’n a kaihruai a. Pu TBC Lalpekthara he pawl General Secretary chuan MPCC nena thawhhona thuthlung an siam chhan a sawiah chuan MNF Sorkarin sorkar hna an pekah thiamna lam aia party mi leh sa an pek tam thu leh hleih nei sorkar (Nepotism Government) an nih avangte in Mizor5am Sorkar chu Anti- Democratic Form of Government a nih thu te, Economic lamah an hlawhchham thu sawiin MNF Party chuan an manifesto lar ber Sawhthing chu an hlawhchham pui thu te, inthlan puan anih rualin Youth Commision chu a hming leka an din thu leh MZP chu Youh Commision-ah an lak par ve mai mai an nih thu te, Youth Commisiion chu chawnghei a nawr chhuah a nih thu an sawi a. MNF Sorkar chu Economic policy mumal tak an neih loh thu an sawi bawk.Law & Order chungchang sawiin Ralthuam tawlhruk tam lutuk te, tualthihna rapthlak tak tak awm ta te, Suangpuilawn kidnapped lem te, Hel pawl thawhpui lo tura intiam a ngai ta hialte chu tha an tih loh thu an sawi a. Inrelbawlna chungchangah pawh kan ram hnuk pakhat MPSC rahbeh a nih thu te, CM Adviser tam lutuk leh sorkar hnathaw pension leh promotion chungchang mumal lo lutukte chu an vei thu an sawi a. Corruption nasa lutuk leh PRISM leh MICLUN ten corruption tam tak an hai chhuak ta te, hmasawnna chungchangah Infrustructure hmuh tur mumal awm lo lutuk chungchang te an sawi lang bawk a ni. AMGUA hruaitute chuan Chief Minsiter chu mahni thutiam a dingnghetlo leh thawm chauh ti na, “Tangthawm Chief Minister” leh a Minister te chu kan ram tan ding tlak tawh loa an ngaih thu an sawi a. Party Manifestoa ding nghet leh, “Ka ti ang” tih tihlawhtling thintu Pu Lal Thanhawla leh a kaihhruai Congress party chu sorkar ngei tura an duh thu an sawi a ni.
 |
|
Last Updated on Wednesday, 19 November 2008 09:26 |
Subscribe to this comment's feed
